ليه انا مش لاقى شغل؟
الحقيقه ان فيه شغل كتير اوى متستغربش تعالى بس افهمك براحه
الحقيقه ان فرص العمل زمان مكنتش زى دلوقتى يعنى زمان كان اللى بيتخرج بيشتغل لدرجة ان انا سمعت ان خريج كلية زراعه كان بيشتغل مدرس عادى
وفرص السفر كانت كمان كويسة والناس زمان كانوا مرتبطين بشكل دائم بالوظيفه الحكومية وكان فيه مقوله زمان كان ملتزمين بها وهى "ان فاتك الميرى اتمرغ فى ترابه"
اللى. حصل ان زمان غير دلوقتى يعنى زمان كان فيه زيادة سكانية قليلة جدا جدا عن دلوقتى زود عليها كان الوعى بالتعليم زمان مكنش زى دلوقتى خالص زمان ممكن تلاقى ناس مش بتتعلم كتير جدا ف لو دمجت الاتنين دول مع بعض هتلاقى عندك ان فيه عجز كبير فى الناس اللى بتتعلم وبالتالى المؤهلات العليا قليلة فالبتالى الوظايف كتير ومحتاجين حد يسد العجز ده وخود بالك الزيادة السكانيه قليله فخريج كلية x مثلا كانوا قليلن فنسبة عددهم الى نسبة عدد الوظائف الحكومية الشاغرة تقترب اوى اوى فكان فيه شغل كمان الحكومه مكنتس بتلاقى ناس توظفهم فتلجئ لخريج كليه تانيه زى مثلا المدرسين كان فيه عجز وكانوا بيوظفوا ناس من زراعه اصلا يعنى
طب دلوقتى ؟
دلوقتى الحال يختلف تماما لان حصل ارتفاع كبير اوى اوى اوى فى الزيادة السكانية زود عليها بقي فيه وعى كبير بالتعليم وبمجالات كتير كمان ف ادمج الاتنين دول فبعض هيصبح عندك خريج الكليات كتير جدا جدا وبالتالى عددهم اصبح يفوق عدد الوظائف الشاغره فالحكومة وبالتالى بقي صعب عالدولة انها تعين الكم الهائل ده وصعب عليها برضه فى ظل الظروف بتاعة البلد وخود فطريقك بقي تعويم الجنيه وراتفاع الدولار وارتفاع الاسعار وبلاوى زرقه عندك
طب اعمل ايه ؟
الحل دلوقتى هو انك تتجه نحو القطاع العام او القطاع الخاص وهنا نقف بقي بدأ وعى الشغل يتجه نحو القطاعات دى لان الحكومة خلاص مش هتوفر ده
بس خود بالك انت فالحكومة كنت زمان تتخرج وتشتغل بالشهادة فقط لا غير
انما بقي القطاع الخاص والعام يقولك لا يحبيبي انت. كتير اوى وانا مينفعنيش الشغل ده اكتر واحد هلاقيه مميز هو ده اللى هقبله عندى فالشركة وهنا بدأت الناس تتسارع اللى ياخد كورسات بجانب شهادته واللى ياخد لغة واللى واللى عشان بس يبقي مميز
فيه بقي ناس تانيه نجاحها يكمن فيه انها تطلع من وسط الزحمه دى وتشوف طريق تانى او وظيفه تانيه يكون الطلب عليها صغير وده اللى حصل مع خريجى هندسة لو تلاحظوا ان معظم خريج هندسة بيشفتوا اصلا لكارير تانى لانهم كتير جدا جدا جدا ف اصبح الطلب عليهم قليل اصل الحكاية كلها عرض وطلب
فحاليا فيه وظائف قطاع خاص كتير على وظف ولينكد ان وظهر كمان وظائف جديدة مكنتش موجوده زمان غيرت مجرى المستقبل زى الل. بيقدم محتوى عالتيك توك او فيسبوك او غيره
ف انت عشان تشتغل اما تميز نفسك اوى وسط زحمة الخريجين لانه كله بيتسابق انه يميز نفسه
او تطلع من الزحمه دى
دمتم بخير